Well …

Hum deewanon ki kya hasti
Hain aaj yahan kal wahan chale,
Masti ka aalam saath chala
Hum dhool udaate jahaan chale ||

Aaye bankar ullhaas abhi,
Aansoon bankar beh chale abhi,
Sab kehte hi reh gaye, arey!
Tum kaise aaye, kahaan chale ||

Kis or chale? Mat yeh pooncho,
Chalna hai bas isliye chale,
Jag se uska kuch liye chale,
Jag ko apna kuch diye chale ||

Do baat kahii, do baat sunii,
Kuch hanse aur phir kuch roye,
Chhak kar sukh dukh ke ghoonton ko,
Hum ek bhav se piye chale ||

Hum bhikmangon ki duniya mein,
Swacchand lutaakar pyaar chale,
Hum ek nishaani ur pe,
Le asaphalta ka bhaar chale ||

Hum maan rahit, apmaan rahit,
Ji bharkar khulkar khel chuke,
Hum hanste hanste aaj yahan,
Praanon ki baazi haar chale ||

Ab apna aur paraaya kya,
Abaad rahe rukne waale,
Hum swayam bandhe the, aur swayam
Hum apne bandhan tod chale ||

Do not know who the poet is. Enlighten, if you do.

Anytime I read this poem, I can find atleast one stanza that I can relate with at that moment. Here’s another one of my favorites.

Prapya nahin hai to, ho jaati
lupt nahin phir kyun haala,
Prapya nahin hai to, ho jaata
lupta nahin phir kyun pyaala;
Door na itni, himmat haaroon,
Paas na itni, paa jaaoon;
Vyarth mujhe daudaati maru mein,
Mrigjal bankar madhushala |

Gopal Das ‘Neeraj’ ji ki kavita
Main toofanon mein chalne ka aadi hoon
Tum mat meri manzil aasaan karo !

Hain phoon rokte, kaante mujhe chalaate,
Maroosthal, pahaad chalne ki chaah badhaate,
Sach kehta hoon mushkimein na jab hoti hai,
Mere pag tab chalne mein bhi sharmaate,
Mere sang chalne lage hawaayein jisse,
Tum path ke kan-kan ko toofan karo |

Main toofanon mein chalne ka aadi hoon
Tum mat meri manzil aasaan karo !

Angaar adhar pe dhar main muskaaya hoon,
Main marghat se zindagi bula laaya hoon,
Hoon aankh-michouni khel chula kismat se,
Sau baar mrityu ke gale choom aaya hoon,
Hai nahin mujhe sweekar dayaa apni bhi,
Tum mat mujh par koi ehsaan karo |

Main toofanon mein chalne ka aadi hoon
Tum mat meri manzil aasaan karo !

Sram ke jal se hi raah sadaa sinchti hai,
Gati ki mashaal aandhi mein hi hansti hai,
Shoolon se hi shringaar pathik ka hota,
Manzil ki maang lahu se ho sajti hai,
Pag mein gati aati hai chhaale chhilne se,
Tum pag pag par jalti chattaan dharo |

Main toofanon mein chalne ka aadi hoon
Tum mat meri manzil aasaan karo !

Phoolon se mag aasaan nahin hota hai,
Rukne se pag gatiwaan nahin hota hai,
Avrodh nahin to sambhav nahin pragati bhi,
Hai naash jahan nirmaan wahin hota hai,
Main basaa sakoon nav swarg dharaa par jisse,
Tum meri har basti veeran karo |

Main toofanon mein chalne ka aadi hoon
Tum mat meri manzil aasaan karo !

Main panthi toofanon mein raah banaata,
Meri duniya se keval itna naata -
Veh mujhe rokti hai avrodh bicchakar,
Main thokar use lagaakar badhta jaata,
Main thukraa sakoon tumhe bhi hanskar jisse,
Tum mera man-maanas paashaaN karo |

Main toofanon mein chalne ka aadi hoon
Tum mat meri manzil aasaan karo !

“The flecked river
Which kept flowing and never the same way twice, flowing
Through many places, as if it stood still in one.”

“that, in the shadowless atmosphere,
The knowledge of things lay around but unperceived.”

“The vigor of glory, a glittering in the veins,
As things emerged and moved and were dissolved,

Either in distance, change or nothingness,
The visible tranformations of summer night,

An argentine abstraction approaching form
And suddenly denying itself away.”

- Wallace Stevens

ps: There is a reason I am posting this poem under Science.

I am putting up some of my favorite panktiyaan from Madhushala

mad, madira, madhu, haala sun-sun
kar hi jab hoon matwala,
kya gati hogi jab adhron ke
neeche aayegi pyala,
saaki, mere paas na aana
main pagal ho jaoonga;
pyasa hi main mast, mubarak
ho tumko hi madhushala !

Ramdhari Sinh ‘Dinkar’ ji ki kavita

Dhhundhhli huii dishaayein, chhaane lagaa kuhaasaa,
kuchlii huii shikhaa se aane lagaa dhuaa saa |
Koi mujhe bataa de, kya aaj ho rahaa hai,
munh ko chhipaa timir mein kyun tej ro rahaa hai?

Daataa, pukaar meri, sandeept ko jilaa de,
bujhti hui shikhaa se sanjeevni pilaa de |
Pyaare swadesh ke hit angaar maangta hoon |
Chadhti jawaaniyon ka shringaar maangtaa hoon |

Bechain hain hawaayein, sab or bekalii hai,
koi nahiin bataata, kishtii kidhar chalii hai?
Manjhdaar hai, bhanwar hai yaa paas hai kinaara?
Yeh naash aa raha hai ya saubhaagya kaa sitaara?

Aakash par anal se likh de adrishth mera,
bhagwan, is tarii ko bharmaa na de andheraa |
Tam bedhnii kiran kaa sandhaan maangta hoon |
Dhruv ki kathin ghadi mein, pehchaan maangtaa hoon |

Aage pahaad ko paa dhaara rukii hui hai,
balpunj kesari kii griivaa jhhukii hui hai,
agnisphuling raj ka, bujh dhher ho rahaa hai,
hai ro rahii javaanii, andhher ho rahaa hai |

Nirvaakk hai himaalay, ganga darii huii hai,
nistabdhhtaa nishaa ki din mein bharii huii hai |
Panchaasyanaad bheeshan, vikaraal maangtaa hoon |
Jadtaa vinaash ko phir bhoochaal maangta hoon |

Mann ki bandhhi umange asahaay jal rahi hai,
armaan aarzoo ki laashein nikal rahi hai |
Bheegii khulii palkon mein raatein guzaarte hai,
soti vasundharaa jab tujhko pukaarte hain,

Inke liye kahiin se nirbhheek tez laa de,
pighle hue anal kaa inko amrit pilaa de |
Unmaad, bekalii ka uthhaan maangta hoon |
Visphot maangta hoon, toofaan maangtaa hoon |

Aansoon bhare drugon mein chingaariyaan sajaa de,
mere shamshaan mein aa shringii zaraa bajaa de |
Phir ek teer seenon ke aar paar kar de,
himsheet praan mein phir angaar swachh bhar de |

Aamarsh ko jagaane vaali shikhha nahin de,
anubhootiyaan hriday mein daataa, analmayii de |
Vish ka sadaa lahoon mein sanchaar maangtaa hoon |
Bechain zindagii kaa main pyaar maangtaa hoon |

Thehri huii tarii ko thhokar lagaa chalaa de,
jo raah ho hamaari uspar diyaa jalaa de |
Gati mein prabhanjanon ka aaveg phir sabal de,
is jaanch ki ghhadii mein nishthha kadii, achal de |

Hum de chuke lahuu hain, tu devtaa vibhaa de,
apne anul vishikh se aakaash jagmagaa de |
Pyaare swadesh ke hit vardaan maangtaa hoon |
Teri dayaa vipad mein bhagwaan maangtaa hoon |

Such powerful sentiments. Who else but Bacchan ji again.

Raat aadhi, kheenchkar meri hatheli ek ungli
se likha tha ‘pyar’ tumne |

Phansla kuch tha hamare bistaron mein
aur chaaro or duniya so rahi thi
taarikaayein hi gagan ki jaanti hain
jo disha dil ki tumhare ho rahi thi,
Main tumhare paas hokar door tumse
adhjagaa-sa aur adhsoya hua sa,
Raat aadhi, kheenchkar meri hatheli ek ungli
se likha tha ‘pyar’ tumne |

Ek bijli chhoo gayi sahsa jagaa main,
Krishn-pakshi chand nikla tha gagan mein,
Is tarah karvat padi thi tum ki aansoo,
Bah rahe the is nayan se us nayan mein,
Main lagaa doon aag us sansar mein, hain
pyar jismein is tarah asamarth kaatar,
Jaanti ho, us samay kya kar gujarne,
ke liye tha kar diya tayyar tumne,
Raat aadhi, kheenchkar meri hatheli ek ungli
se likha tha ‘pyar’ tumne |

Prat ki hi or ko hain raat chalti,
Aur ujaale mein andhera doob jaata,
Manch hi poora badalta kaun aisii,
Khoobiyon ke saath parde ko uthaata,
Ek chehra-sa lagaa tumne liya tha,
Aur maine tha utaara ek chehra,
Vah nisha ka swapn mera tha ki apne,
Par gajab ka tha kiya adhikar tumne |
Raat aadhi, kheenchkar meri hatheli ek ungli
se likha tha ‘pyar’ tumne |

Aur utne phaansle par aaj tak sau
yatna karke bhi na aaye phir kabhi hum,
Phir na aaye vakt aisa, phir na mauka
us tarah ka, phir na lauta chand nirmam
aur apni vedna main kya bataoon,
Kya nahin ye panktiya khud bolti hai -
Bujh nahin paaya abhi tak us samay jo,
rakh diya tha haanth par angaar tumne |
Raat aadhi, kheenchkar meri hatheli ek ungli
se likha tha ‘pyar’ tumne |

I love these lines. Poem by Gopal Das Neeraj. Am I in love with him or what?
Will update the fonts at a later date, in a bit of a hurry right now.

Yah samay dobara nahin lautkar aayega,
Bharna hai to tum maang milan ki abhi bharo.
Ghoonghat mein sharmaane waali yah nishigandha,
Sambhav hai, kal bole bhi to sweekar na ho,
Yah bhi mumkin hai, kal roothne manaane ko,
Yah raat na ho, yah baat na ho, yah pyar na ho,
Har ek bhakti ke saath chal rahi hai virakti,
Har ek raag ka aanchal pakde hai viraag,
Khidgi par aise phir na ghataa angdaayegi,
Karna hai to phir tum vyah sapan ka bhi karo,
Yah samay dobara lautkar nahin aayega,
Bharna hai to tum maang milan ki abhi bharo

I identify myself a lot with this song by Alanis Morissette

I hate the world today
You’re so good to me, I know
But I can’t change
Tried to tell you
But you look at me like maybe I’m an angel underneath
Innocent and sweet

Yesterday I cried
Must have been relieved to see the softer side
I can understand how you’d be so confused
I don’t envy you
I’m a little bit of everything
All rolled into one

I’m a bitch I’m a lover
I’m a child I’m a mother
I’m a sinner I’m a saint
I do not feel ashamed
I’m your hell I’m your dream
I’m nothin’ in between
You know, you wouldn’t want it any other way

So take me as I am
This may mean, you’ll have to be a stronger man
Rest assured, when I start to make you nervous
And I’m going to extremes
Tomorrow I will change and today won’t mean a thing

Just when you think
You got me figured out
The seasons all ready changin’
I think it’s cool, you do what you do
And don’t try to sing this

Poetry by Obaidullah Aleem

tere pyaar me.n rusavaa hokar jaaye kahaa.N diivaane log
jaane kyaa kyaa puuchh rahe.n hai.n ye jaane pahachaane log

jaise tumhe.n hamane chaahaa thaa kaun bhalaa yuu.N chaahegaa
maanaa aur bahut aaye.nge tum se pyaar jataane log

kaise dukho.n ke mausam aaye kaisii aag lagii yaaro
ab saharaao.n se laate hai.n phuulo.n ke nazaraane log

kal maatam beqiimat hogaa aaj inakii tauqiir karo
dekho Khuun-e-jigar se kyaa kyaa likhate hai.n afasaane log

jaanate hai.n ye ishq musalasal rog hai aah-o-zaarii kaa
phir bhii usake kuuche me.n jaate hai.n umr gavaane log